Անգլերենի ուսումնական ծագիր․ 1-ին կուրսի սովորողներ

Անգլերեն

Քոլեջ

Ծրագրի նպատակները.

– սովորողներին ուսուցանել ինքնուրույն գիտելիքներ կուտակելու հմտություններ

– օգնել սովորողներին ինքնուրույն գործնական – հետազոտական աշխատանքի միջոցով յուրացնել օտար լեզուն

– սովորողների մոտ զարգացնել քննադատական-վերլուծական մտածողություն;

– սովորողները կկարողանան հասկանալ անգլերեն խոսքը, հաղորդակցվել անգլերենով՝ քերականորեն ճիշտ ձևակերպելով մտքերը։ Սովորողները նաև կկատարեն հետազոտական աշխատանքներ անգլերենով, կկարդան գեղարվեստական գրրականություն, կդիտեն անգլալեզու ֆիլմեր, կմասնակցեն անգլերենով բանավեճերի և քննարկումների։

– սովորողների մոտ ձևավորել անգլերեն ինքնակենսագրական և մոտիմացիոն նամակ կազմելու, ինչպես նաև աշխատանքի ընդունման հարցազրույցների մասնակցելու հմտություններ, որոնք կօգնեն նրանց հետագայում աշխատանք փնտրելիս։

– սովորեցնել համագործակցել իր դասընկերների հետ և արդյունավետ աշխատել

– Սովորել ինքնուրույն կատարել հետազոտություններ։

Ծրագրի խնդիրներն են`

– սովորողներին ծանոթացնել անգլերենի կիրառման տարբեր հնարավորությունների, անգլերենի միջոցով մասնագիտական զարգացման հնարավորությոունների հետ

– հաղորդել հիմնական գիտելիքներ լեզվի չորս հմմտություններից

– ձևավորել թարգմանություններ կատարելու փորձ

– Զարգացնել ինֆորմացիայի տարբեր աղբյուրներից օգտվելու, որոշումներ կայացնելու կարողություններ և հմտություններ:

– զարգացնել սովորողների քննադատական մտածողությունը

– նպաստել հիշողության, դիտողականության, երևակայության զարգացմանը,

– զարգացնել տեղեկատվական և հաղորդակցական տեխնոլոգիաներից օգտվելու և դրանց միջոցով լեզվի գիտելիքների ինքնուրույն ձեռք բերման կարողություններ,

– նպաստել տեխնոլոգիական պրոցեսների պահանջների անվերապահ կատարմանը։

Արժեքային համակարգ

Սովորողը պետք է`

– Գնահատի անգլերենի դերը համամարդկային մշակույթի, գիտատեխնիկական առաջընթացի զարգացման գործում:

-Գիտակցի անգլերենի դերն անհատի աշխարհայացքի ձևավորման գործում:

– Գիտակցի օտար լեզուներին տիրապետելու կարևորությունը, դրանց կիրառության արդյունավետությունն առօրյա կյանքում, ասնագիտության ձեռք բերման հարցում և աշխատելիս:

-Կարևորի մտավոր աշխատանքը, կարողանա նպատակներ և խնդիրներ դնել և դրանց հասնելու համար նպատակասլաց գործունեություն ծավալել:

-Կարևորի անգլերեն գրավոր և բանավոր խոսքի հստակությունը, ճշգրտությունը, հակիրճությունը,մատչելիությունը:

– Ձգտի ստեղծագործական աշխատանքի, գեղագիտական հաճույք ստանա դրանից:

Սովորողին ներկայացվող պահանջները

Անգլերենի ծրագիրը հաջողությամբ յուրացնելու համար սովորողից պահանջվում է հետևյալ նախնական պատրաստվածությունը.

– ինքնուրույն սովորելու հմտություններ;

– էլեկտրոնային և տպագիր աղբյուրներից իրեն անհրաժեշտ ինֆորմացիա հայթհայթելու, դասկարգելու և ներկայացնելու հմտություններ;

– ՏՀՏ հմտություններ

-տրամաբանելու և վերլուծելու ունակություն

Սովորողը պետք է ունենա համակարգիչ և ինտերնետ կապ

Սովորողների գործունեության հիմնական ձևերը

1. Սովորողների ուսումնական գործունեության հիմնական ձևը հատուկ այդ նպատակով կազմված առաջադրանքներով ինքնուրույն, փորձարարական, հետազոտական աշխատանքն է:

2. Կիրառվում են նաև դասի կազմակերպան հաղորդման, խմբային քննարկումների, նախագծերի իրականացման ձևեր:

Ստուգման և գնահատման կարգը

Կիրառվում է սովորողների գիտելիքների ստուգման և գնահատման տարբեր համակարգեր: Առաջին դեպքում ուսուցիչը սովորողի ստացած գիտելիքների մասին գաղափար է կազմում դասապրոցեսում նրա կատարած աշխատանքին հետևելով, աշխատանքի ընթացքում նրա հետ բազմապիսի հարցերի քննարկման արդյունքում: Այս դեպքում կիրառվում է գնահատման 10 բալանոց համակարգ: Գնահատականը գրանցվում է սովորողի բլոգում և էլեկտրոնային մատյանում: Ուղեկցվում է համապատասխան մեկնաբանությամբ: Գիտելիքների ստուգման երկրորդ ձևը թեմատիկ ստուգողական աշխատանքներն են: Երրորդ, ամփոփիչ ձևը սովորողների անհատական աշխատանքների ներկայացնումն ու ստուգումն է։

ՏՀՏ–ների կիրառումը

Ուսուցման պրոցեսում խիստ կարևորվում է ժամանակակից ՏՀՏ-ների կիրառումը: Համակարգիչը դարձել է ուսուցման կազմակերպման հիմնական միջոց: Այն օգտագործվում է.

– նոր նյութի ուսումնասիրության ժամանակ

-տարբեր թեմաների նախածեր, համակարգչային ներկայացումներ նախապատրաստելիս և ցուցադրելիս;

– ինտերնետում հանդիպող տարատեսակ թեսթերի հետ աշխատելիս

-Էլեկտրոնային գրատախտակ օգտագործելիս:

– Գիտական հետազոտություններ կատարելիս

Ուսումնական ճամփորդություններ

Անգլերենի ներկայացվող ծրագրով նախատեսվում է ուսումնական ճամփորդություններ՝

Արատես
Երևանի ամերիկյան համալսարան
Արշավ դեպի Արագած
Քաղաքային տուր Երևանում
Այցելություն ՀՀ տարբեր մարզեր

Գիտելիքների գործնական կիրառություններ

Լեզվական գիտելիքները, որոնք յուրացնում է սովորողը անգլերեն ուսումնասիրելիս նա կարող է հաջողությամբ կիրառել կյանքի ցանկացած այլ ոլորտներում:
Կկարողանա առանց կաշկանդվելու հաղորդակցվել անգլերենով։
Կկարողանա ինքնուրույն կատարել հետազոտական աշխատանքներ
Կկարողանա կազմել գրագետ անգլերեն ինքնակենսագրական և մոտիվացնող նամակ, պաատրաստ լինել անգլերեն հարցազրույց անցնելու։
Կկարողանա արդյունավետ աշխատել ցանկացած կոլեկտիվում, հաջողությամբ հաղթահարել աշխատանքի ընթացքում ծագող կոնֆլիկտները:
Ստանալով սովորելու որոշակի հմտություններ՝ հետագայում ինքնուրույն կարող է շարունակել իր հետագա կրթության գործը:
Կկարողա կարդալ գրրքեր և դիտել ֆիլմեր անգլերենով

Ուսումնական ձեռնարկներ, կայքեր, այլ նյութեր

1. Inside reading 1

2. Inside reading 2

3. English grammar. step by step

4. English grammar in use

5. My topic encyclopedia

Անգլերենի ծրագիր

Grammar: